Басқосу аясында Смайыл Сүйерқұлұлы Бас мүфти Наурызбай қажы Тағанұлының арнайы сәлемін жеткізіп, шәкірттерге бірқатар ақыл-кеңестер беріп, оқу ордасындағы талап, ережелерді жан-жақты айтып өтті. Сондай-ақ, аталмыш оқу орнында білім деңгейімен қатар студенттерге барлық жағдайдың жасалғанын тілге тиек етті.
Айта кетейік, биылғы ҚМДБ-ға қарасты діни оқу орындарын бітірген, білімді, даярлық курстан және қабылдау емтиханынан «өте жақсы» баллға ие болған 40 шәкіртке Хасеки академиясының жолдамасы берілді.
