Бүгін Жұма намазында Қазақстан Мұсылмандары діни басқармасының Семей өңірінің бойынша Бас имамы Асқар қажы Әбітайұлы жаңа имамды мешіт жамағаты мен ұжымына таныстырды.

«Төкеш Ыбырайұлы» мешітін  ұзақ жылдар бойы басқарған  Ерболат Тоқташұлы  «Төлеубек қажы» мешітіне наиб-имам болып ауысты. Ал оның орнына Бас Мүфтидің бұйрығымен «Төлеубек қажы» мешітінде  наиб-имам қызметін атқарған Думан Оразханұлы  тағайындалды.

Бас имам Асқар Әбітайұлы Ерболат Тоқташұлына  атқарған қызметі үшін ризашылығын білдіріп, алғыс хат табыстады. Иығына шапан жабылды. Мешіт жамағаты ризашылықтарын білдіріп, наиб имамға ақ жол тілеп, жамағаттағы ақсақалдар  батасын берді.

Семей Абай Құнанабайұлы атындағы орталық мешітінің баспасөз қызметі