ҚМДБ Зекет және қайырымдылық қорының Абай облысы бойынша жауапты өкілі Беисов Рашид Абай облыстық Абай Құнанбайұлы мешітінде имамдардың білімін жетілдіру курсында ілім алып жатқан аудан-ауыл имамдарына «Зекет және қайырымдылық» атты семинар өткізді.
Семинар барысында 4 түлік малдың зекеті және егістік ұшыры туралы толыққанды мәлімет берілді. Сондай-ақ, зекеттің шарттары, қандай жағдайда зекет парыз болып, қандай жағдайда мойыннан түседі, зекет кімдерге беріледі, кімдерге зекет беруге жарамайды деген секілді бірқатар мәселелер түсіндірілді.
Рашид Жамалбекұлы имамдарға ауыл халқына Зекеттің мән-мағынасын, оның Исламның бес негізінің бірі екендігін даналықпен жеткізудің маңыздылығы туралы да айтып өтті.
