Абай Құнанбайұлы атындағы облыстық орталық мешіт жанындағы Студенттер үйінің шәкірттеріне өңірімізге белгілі алаштанушы, әрі, жазушы Ақжол Қадылбекұлымен кездесу өткізілді. Келелі жиын Студенттер үйінің “Дін мен дәстүр” сыныбында өтті.
Ақжол Қадылбекұлы студенттерге Алаш қайраткерлерінің өмірлерінен сыр шертіп, еркін сұхбат құрды. Өз кезегінде студенттер де өздерін қызықтырған сұрақтарын қойып, жауаптарын алды. Сондай-ақ, Ақжол Қадылбекұлы Семей қаласындағы тарихи орындар мен рухани маңызды мекендер туралы да бірқатар мәліметтер берді.
