Қасиетті Жұма күнінде Абай облысына қарасты Курчатов қалалық орталық мешітіне жаңа имам тағайындалды. Курчатов қалалық мешітіне Жұма намазын өткізген Абай облыстық орталық мешітінің наиб имамы Ерлан Досымұлы жиналған жамағатқа Бас мүфтидің бұйрығымен жаңа тағайындалған имам Тілек Серікұлын таныстырды.
Тілек Серікұлы – 2013-2016 жж. аралығында Павлодар облысы, Әбу Бәкір Сыддық медресе-колледжін тәмамдап, 2016 жылдан бері Семей қалалық Даланбай ата мешітінде наиб имамдық қызметін атқарып келді. Сондай-ақ, 2018-2019 жж. аралығында отан алдындағы әскери борышын өтеді. Үйленген, отбасылы азамат.
Ерлан Досымұлы осы күнге дейін Курчатов қаласында жемісті қызмет атқарып келген Нұржан Медеуханұлына Абай облысының бас имамы Асқар қажы Әбітайұлының атынан алғыс хат табыстап, мешіт жамағаты иығына шапан жауып, өз құрметтерін көрсеттті. Айта кетейік, Нұржан Медеуханұлы Аягөз ауданына бас имам болып тағайындалуына байланысты, Курчатов қаласының имамы қызметінен босатылған еді.
