“Ислам және отбасы құндылығы” жылы аясында жас отбасыларға арналған семинар өтті. Семинарды Семей қалалық Қос мұнаралы мешіттің наиб имамы Серікбол Арғынов жүргізді. Семинардың басты мақсаты – Исламдағы отбасы түсінігі және оның маңыздылығы, ер мен әйелдің орнын баяндау болды. Серікбол Жұмабекұлы қатысушыларға Ислам дініндегі отбасының маңыздылығы, ерлі-зайыптылардың міндеттері, бала тәрбиесі турасында насихат айтты.
Сондай-ақ, семинарға қаламыздағы білікті психологтардың бірі Жаңыл Рахметоллаұлы арнайы қатысып, бақытты отбасы құпиясы туралы баяндама жасады өтті.
Жиын соңында қатысушылар өз сұрақтарын қойып, алдағы уақытта да осындай семинар-тренингтар жиі өткізілсе деген тілектерін білдірді.
