Ү.ж қараша айының 6 шы жұлдызы күні ЖКҚ шаруа қожалық мекемесінің ұжымы, Семей өңірі бойынша бас имамы Мұқанов Асқар Әбітайұлының бастауымен (Зекет қоры) мен мешіт имамдарының ат салысуымен 30 тонна картошка, жағдайы төмен және мұқтаж жандарға, қала тұрғындарына қайырымдылық іс шара ұйымдастырылды.
Алла Тағала Құранда: «Бір жақсылық істеген адам он есе сауапқа ие болады» («Әнғам» сүресі, 160-аят), – деп айтқан.
Осы ретте Тас мешттің имамы Нұрбек Назерұлы сөз сөйлеп, ұлағатты ойларын ортаға салды. Жалпы, Ислам дінінің адамзатты тек жақсылыққа үндейтіні жайлы айтты. Қайырымдылықтың кісі бойындағы ең ізгі қасиеттің біріне жататындығын жеткізді. Игі, ізгі, сауапты іс-шараларға ат салысқан азаматтарға алғысын білдіріп, болашақта өз үлесін қосуға ниет еткен қайырымды жандардың қатары көбейетініне сенеді.
Қайырымдылық көмек көрсеткен жанашыр жандарға жиналған жұртшылық алғыстары мен ризашылықтарын білдірді.
Семей Қос мұнаралы орталық мешітінің баспасөз қызметі.
