РАМАЗАН АЙЫНДА НЕКЕ ҚИДЫРУҒА, ТОЙ ЖАСАУҒА БОЛАДЫ МА?

Рамазан айында ораза тұту денсаулығы жарайтын, кәмелетке толған, ақыл-есi дұрыс әр мұсылманға парыз болып табылады. Бұл оразаны себепсізден бұзуға болмайды. Ауыз ашуға үзір тек ауру немесе сапар бола алады. Ал рамазан айының күндізі тойға бару т.б. ауыз ашуға үзір емес. Егер ауызын ашқан болса оған каффарат міндет. Сондықтан да үйлену тойды және т.б. тойларды рамазан айынан кейінге қалдыру керек. Рамазан айында кешке ауыз ашқан соң әр қалай сүннет болған той жасауға болады. Тек харамсыз арақ-шарапсыз болуы керек. Алайда, ораза бола тұра неке қидырудың оқасы жоқ.