«QAMQOR-SHARAPAT» – көпшіліктің сұранысымен жерлеу рәсімдерінде ысырапшылдық пен бәсекелестікке жол бермеу және жалпыға ортақ мәдениет қалыптастыру мақсатында қолға алынған жобаны арнайы Нұр-Сұлтан қаласы, ҚМДБ Уақып қорының басшысына таныстырылды.
ҚМДБ «Уақып» қорының президенті Ардақ Нүсіпханұлы Оразбаев мешіт жанынан ашылған бұл игі амалды көріп ыстық лебізін білдірді. Осы орайда Ардақ Нүсіпханұлы: ҚМДБ-ның басымдылық беріп отырған бағыттарының бірі – жерлеу рәсімдері мен ас беру мәдениеті. Бүгінде осы бағыттағы іс-шараларды шариғат талаптарына сай, дәстүрмен сабақтастырып атқарып отырған және оны іске асыруды насихаттау барысында табандылық танытып жамағат арасында насихатталса деді. Мәйіт сақтайтын орындардың талапқа сай болуы, қосымша қызметтері жайында да айтып өтті.
