Бүгін Абай облысының бас имамы Асқар Әбітайұлы мен ҚМДБ РАНТ тобының мүшесі Жанболат Жұматұрұлы Аягөз қалалық Политехникалық колледж студенттерімен кездесті. «Үлкенге құрмет, кішіге ізет» тақырыбында өткен семинарда жанұя жылулығы, ата-анаға құрмет, ұстазбен қарым-қатынас сынды мәселелер қамтылды.
“Дінімізде үлкенді құрметтеу – Алланы ұлықтаудың бір түрі. Пайғамбар (с.а.у.) бір хадисінде: «Ақ шашты, ақ сақалды мұсылман қарияны ізет тұту – Алланы ұлықтаудың бір түрі», – деген. Расында, дінімізде Алла Тағаланы ұлықтау тек тілмен зікір ету немесе ертелі-кеш құлшылық етумен ғана емес, Алла разылығы үшін деп істелген әрбір игі іспен жүзеге асады. Ислам дінінің кереметтілігі міне, осыда жатыр”, – деді семинар барысында Асқар Әбітайұлы.
Кездесу соңында студент жастар өз сұрақтарын қойып, тұщымды жауап алды.
