Аягөз ауданының бас имамы қызметін атқарған Алмас Айткәрімұлы басқа қызметке ауысуына байланысты Аягөз ауданына жаңа имам тағайындалды. Аягөз халқы осы уақытқа дейін жемісті қызмет етіп келген Алмас Айткәрімұлына құрметтерін көрсетіп, үстіне шапан жауып, астына ат мінгізіп, алғыстарын айтып алдағы қызметіне де сәттілік тіледі.
Аягөз ауданына арнайы іс-сапармен барған Абай облысының бас имамы Асқар қажы Әбітайұлы Жұма намазына жиналған жамағатқа Бас мүфтидің бұйрығын оқып жаңа тағайындалған бас имам Нұржан Медеуханұлын таныстырды. Жаңа имам Аягөз еліне бұрыннан да таңсық емес. Аягөз ауданының тумасы, әрі, бірнеше жыл осы өңірде діни қызметтер атқарған.
Нұржан Медеуханұлы 2005-2009жж “Нұр Мүбарак” университетінде Исламтану мамандығы бойынша білім алған.
2009-2010жж Аягөз қалалық мешітінің найб имамы
2010-2014жж Аягөз қаласы “Жаңа ауыл” мешітінің имамы
2014-2020жж Аягөз қалалық мешітінің найб имамы
2020-2024жж Курчатов қалалық мешітінің бас имамы қызметтерін атқарып келді. Жаңа имамның Алла жолындағы қызметіне Жаратушы Жаббар иеміз Өзі жар болуын тілейміз.
