Қасиетті Мәуліт айының құрметіне Абай облысы, Семей қаласының Қосмұнаралы мешітінің ұйымдастыруымен “Пайғамбарыңды таны” атты жамағаттар арасында интеллектуалды діни сайыс өтті.
Интеллектуалды сайыс QUIZ форматында, яғни онлайн тест түрінде өтті. Іс-шараға Абай Құнанбайұлы мешітінің наиб имамы Ерлан Омаров арнайы барып, қатысушыларды Мәуліт айымен құттықтап, уағыз-насихатын айтып, жарысқа сәттілік тіледі.
Іс-шараға 12 жамағат қатысып, 50 сұраққа жауап берді. Сайыс тартысты да қызықты өтіп, көпшілікке өте жақсы әсер қалдырды.
Сайыс нәтижесі бойынша, 1 – орынды Әкімбек Жалғас, 2 – орынды Ахметжан Бауыржан, 3 – орынды Нұрәлі Арнұрұлы иеленді. Жеңімпаздарға арнайы алғыс хат пен ақшалай сыйлықтар табысталды.
