Абай облысттық орталық Абай Құнанбайұлы мешітінде Алла елшісінің (Оған Алланың салауаты мен сәлемі болсын) Имам Нәуәуи жинақтаған 40 хадисі бойынша білім сайысы болып өтті. Сайыста Абай Құнанбайұлы мешітінің наиб имамы Рашид Мейімбекұлының “Имам Нәуәуи таңдаған 40 хадис” кітабы бойынша дәрісіне 2 ай уақыт үзбей қатысқан қала мешіттерінің жамағаттары мен шәкірттері бақ сынады.
Алғашқы кезеңде шәкірттер билет бойынша хадистерді жатқа айтып сайысса, қорытынды кезеңде хадистердің жалғасын жазу арқылы білімдерін көрсетті. Әділ қазылар алқасы 2 кезең бойынша қорытынды шығарып, тұмсығымен құс тістеген жүйріктердей мәреге бірдей жеткен қос жеңімпазға да УМРА қажылығына жолдама табысталды. Сондай-ақ, қалған жүлдегерлер де қаржылай сыйлықтармен марапатталды. Жеңімпаздар мен жүлдегерлер:
Қалихан Салауат – Бас жүлде (УМРА ҚАЖЫЛЫҒЫ)
Кәрібай Нұржігіт – Бас жүлде (УМРА ҚАЖЫЛЫҒЫ)
Әкімбек Шалқар – 2-орын (20 мың тг)
Нысанбаев Дулат – 3-орын (10 мың тг)
Рухани ілім сайысының жеңімпаздарына қажылықтары қабыл болсын дейміз! Демеуші азаматтарымызға Алла разы болсын!
