Еліміздің Тәуелсіздік мерекесіне орай Семей қалалық Хәкім Хазрет мешіт-медресесінің ұйымдастыруымен Абай облысы бойынша Құран жаттау орталықтарының шәкірттері арасында Құран жарысы болып өтті.
Құран жарысы 3 пара, 2 пара, 1 пара және 22 сүре номинациялары бойынша өтті. Сайыста Хәкім Хазрет мешіті жанындағы және Үржар аудандық мешітіне қарасты қарилық орталықтарда Құран жатқан шәкірттер бақ сынасты. Құран жарысына өңіріміздің білікті ұстаздары мен қарилары төрелік жасады.
Игі шараның шымылдығы Алланың сөзі – Құран Кәрім аяттарын оқумен басталып, сауабы еліміздің азаттығы жолында құрбан болған боздақтарымызға, Қазақ елінің негізін қалаған, көшін ілгері сүйреген барша бабаларымыздың рухтарына арнайы бағышталды.
Алла Тағала қасиетті Құран Кәрімде «Жақсылықта жарысыңдар!»[1], – десе, келесі бір аятта «Раббыларыңның кешіріміне және тақуалар үшін әзірленген кеңдігі жер мен көктердің кеңдігіндей жұмаққа асығыңдар»[2], – дейді.
Міне, осындай ізгілік жолындағы сайыстың қорытындысы бойынша төмендегі қатысушылар оқ бойы оза шауып келді:
3 пара
1-орын: Бертаев Аблулазиз
2-орын: Рахимов Амир
3-орын: Салехмухамад Азизрахман
2 пара
1-орын: Қабылқақ Салих
2-орын: Болат Әлинұр
3-орын: Дәукен Ясин
3-орын: Шарипхан Нұриман
1 пара:
1-орын: Сериков Ерасыл
2-орын: Қабдыкәрім Абдулла
3-орын: Амангелді Сабыр
22 сүре:
1-орын: Омаров Абдулалим
2-орын: Сенғали Ермұрат
3-орын: Бауыржанұлы Рамазан
Жеңімпаздарды Абай облысының бас имамы Асқар қажы Әбітайұлы арнайы құттықтап, мақтау қағаздарымен және қаржылай сыйлықтармен марапаттады.
Сондай-ақ, барлық қатысушыларға ақшалай сыйлықтар және Семей қаласы әйел-қыздар жамағатының арнаулы сыйлақтары табысталды.
Жиын соңында Құран сайысын тамашалауға келген ақсақалдарымыз жастарға ақ батасын беріп, ізгі тілектерін арнады.
[1] Бақара сүресі, 148-аят.
[2] Әли Имран сүресі, 133-аят.
