Аягөз ауданына қарасты Мәдениет ауылында “Ислам және ізгі қоғам” жылы аясында “Дін Ислам діңгегім” атты жыр мүшәйрасы ұйымдастырылды.
Ауылдық Мәдениет үйінде өткен мүшәйраға көршілес ауылдардан: Айғыз, Өркен, Баршатас, Қосағаш, Бидайық, Мәдениет 13 ақын асыл дініміздің мерейін көркем жырмен өрнектеген 20 жастан жоғары ауыл ақындары қатысты.Өлеңімен дінімізге жыр арнаған ақындар ұлық айда ауылдастардың рухын бір серпілтіп тастады.
Әділ қазылар шешімімен І орын Шұлғаубаев Тілеуберді (Өркен ауылы) – 50 000 теңге, ІІ орын Алмагүл Маниазқызы (Айғыз ауылы) – 30 000 теңге, ІІІ орын Естемісов Қуандық (Баршатас ауылы) – 20 000 теңге және 3 ақынға ынталандыру марапат сыйлықтары табысталды.
Аягөз қалалық мешітінің баспасөз қызметі